walking dead او الزومبيز شي خرافي ادري مستحيل يكون موجود لكن هو الشي الوحيد اللي اكرهه واخاف منه اكثر من اي شي ثاني ....صادف اني حملت حلقه من المسلسل وما كنت اتوقع انه كذا ابداً بتاتاً البته يعني ان ,, ان كثروا ممكن يصورونهم من بعيد او اي شي مثل كذا
اثاري السالفه صارت اكبر من اني اتحملهاصدقوني صدقوووني حاولت اكذب على نفسي واقنعني انه ما فيه شي يخوف وانها كلها مؤثرات سينيمائيه لا اقل ولا اكثر لكن للأسف محاولاتي الفاشله في تهدئة نفسي باءت بالدمار الذريع لدرجة جا مشهد كان لازم البطل يرمي المتوحش بالمسدس في راسه فلما اطلق الرصاصه كان الصوت عالي وكنت حاطه اللاب على رجولي فانتفضت نفضه قلبت اللاب بكبره لدرجة قلت علي العوض في لابي ....
غالباً انا ما اخاف من افلام الرعب بتقولون ليش طيب هذولي لا ؟!
انا قاعدتي في الافلام ما دام مو زومبي فـ ما يخوف
لأنه لو صار مثلاً الفلم عن الاشباح فرضاً ,,الأشباح حقيقيين وانا أؤمن بهم ولو طلع لك شبح اقرا قران بيروح
فامبايرز ما يخوفون لأن اشكالهم ما توحش واذا تبي توخرهم الله يخلي الثوم
لكن ,,, وش حل الزووومبيييييز
مالك الا مسدس بالله ما تقولون لي من وين اجيب واحد اذا فجأه طلعلي واحد ؟
يا ربي ادري انهم مو موجودين ومستحيل باضطر اخذ مسدس
لكن كيف اقنع نفسي
المصيبه الاعظم كانت :
اني رحت لـ someone وهالـ someone ضحك علي لما قلتله اني خايفه وما قدرت اكمل الحلقه واني احتاج احد يكون عندي <<< اهلي مو بالبيت
وصارت تتريق علي !
يعني وش المشكله في اني انسانه اخاف منهم ؟
هذا كوووووم واللي جاي كووووم ثااااني
طبعاً انا ما كملت الحلقه من الخوف
ولكم ان تتخيلوا شكلي وقتها
كنت ارتجف + قلبي يرقع + رجليني واعصابي مشدوده + مو قادره حتى اغمض عيوني او انادي احد + someone يتّريق علي
وانا فيني الصيحه عيوني بدت تدمع والـsomeone يضحك علي ><"
كنت احتاج احد يهديني يضربني لو استدعى الأمر
المهم يطلعني من الحاله اللي كنت فيها
لكن وااا اسفاه
محد لمي
والأكوَد والأعظم في كل ما حدث
اني اتصلت عالـ someone هذي وردت وجالسه تكركر من الضحك وانا مو في حال احد يضحك على خوفي
كنت في امس الحاجه ان احد يكون بجنبي يمسح على راسي ويسمي علي
لكن لا
كنت حاطه الاير فونز في اذني والصوت عالاخير وجالسه اشرح وضعي
شوي الا صوت يخترق طبلة اذني لينتزع قلبي من مكانه وكاد ان يسبب لي سكته قلبيه
لدرجة من قوة الصوت وخوفي منه رميت بالاير فونز لبعيد وصرت ابكي واشاهق بصوت عالي
"اصدرت صوت مثل اصواتهم "
ما اظن ان مخاوف الناس شي يستدعي الضحكاشين شي بالدنيا انك تروح لشخص تعتقد انه بيكون الشخص الوحيد اللي بيهدي من روعك ويمتص خوفك ويصير يخوفك بدال كل هذا
.
.
.
.
.
.
.
.
قلبي الى هاللحظه اللي اكتب فيها يعورني والله يستر ما يصير فيني شي
على فكره انا جالسه اكتب عشان ما اناظر حولي *خايفه*
على الله اقدر انام وما يجيني كابوس محترم يتضمن عدة مخلوقات من تلك الاشياء المخيفه
ليست هناك تعليقات:
إرسال تعليق